Na tarde d’ayeri tarde tuvo llugar nel Muséu de la Sidre de Nava la entrega de los premios del Campionatu Oficial d’Echarores d’Asturies 2023, con Wilkin Aquiles de Campión
LA SIDRA.- Los diez primeros clasificaos d’esta postrer edición recibieron diploma acreditativu, y a los trés primeros un premiu n’efectivu. Tamién se gallardonó a los trés meyores puntuaos de la categoría sub25.
Los ganadores d’esta edición fueron los siguientes:
1. Wilkin Aquiles (La Montera Picona de Ramón)
2. Salvador Ondó (Tierra Astur)
3. Jorge Vargas (La Montera Picona)
4. Jonathan Trabanco (Los Portales de Jaimón)
5. Antonio Sorca (El Portal)
6. Rubén Campa (La Bolera)
7. Alexander Gabriel (Tierra Astur)
8. Pelayo Rodríguez (Independiente)
9. Pablo Álvarez (Sidrería Alberto)
10. Marcos Ramos (El Portal)
Categoría Sub-25
1. Alexander Gabriel (Tierra Astur)
2. Reinaldo Belén (El Portal)
3. Issabella Padrón (Bodegues Anchón)
Enantes de la entrega diplomes, les autoridaes presentes nel actu dirixieron unes pallabres al públicu asistente. “Dende’l Conseyu llevamos munchos años sofitando esti concursu. Tenemos un convencimiento bien altu de que la cultura sidrera y l’echaor van de la mano. La figura del echaor va ser definitiva por que podamos consiguir esa etiqueta de Padremuñu Cultural Inmaterial de la Humanidá que concede la Unesco”, manifestó’l presidente del Conseyu Regulador de la DOP Sidre d’Asturies, Víctor Ramos.
L’alcalde de Nava, Juan Cañal, tamién tuvo pallabres de gratitú pa colos echarores: “La sidre ensin l’echaor nun tien xacíu”, apurrió. Pela so parte, el responsable de Mediu Rural de Caxa Rural d’Asturies, Javier Nievas, apostó por cultivar la tradición: “Asturies tien una serie de recursos que nun son ayenos a Caxa Rural. Tenemos de siguir contribuyendo l’espíritu qu’envolubra l’echar sidre”.
