Entamáu pola Asociación de Llagareros Artesanos del Caudal, taba empobináu a persones desemplegaes del conceyu Mieres
LA SIDRA.- El cursu, de 35 hores de duración, foi dirixíu pola esperta echaora Loreto García, y cuntó con doce alunos, de los cualos rematáronlu nueve.
La postrer clas del cursu féxose en dos chigres de Mieres: Cascayu y BarOlaya, y nelles tuvo llugar la entrega diplomes acreitativos, que recibieron: Marta Jiménez, Arancha Ramos, María Maldonado, Yolanda García, Olaya Martín, Marcos Blanco, Jorge Menéndez, Zara López y Cynthia Herrera.
Dichos diplomes fueron apurríos pola conceyala d’educación del Conceyu de Mieres Belén Alonso.
Na entrega diplomes, la l’Asociación de Llagareros Artesanos del Caudal estimó espresamente la collaboración al conceyal mierense de cultura Juan Ponte y emplazaron a dichu conceyu a rializar el próximu añu l’II Cursu d’Echáu de Sidre.
Tamién mentar que l’alumnu Jorge Menéndez foi contratáu por Loreto García pa la so sidrería El Madreñeru, en La Pola Siero, siendo esti’l so primer trabayu nel mundiu la hostelería.
