Entamu
La progresiva relaxacion de les restricciones sanitaries aplicaes a la hosteleria trai un aire nueu pa un seutor que sufrió perespecialmente l’andanciu del Covid-19 y la so polemica xestion sanitaria.
Paez que la situacion va normalizando, y con ello’l seutor de la sidre escomienza col necesariu despegue dempues de tanta inactivida. Foron munchos los que quedaron pel camin, nel tarren humanu y empresarial, y asistimos a toa una demostracion de vitalida, inxeniu y resiliencia del seutor de la mazana y la sidre nunos duros momentos nos que’l “Principado” quedo de nueu n’evidencia dexando a tol seutor nun inaceutable estau d’indefension, que contrasta col tratu recibiu notres comunidaes del Estau, onde sidre y mazana cunten con menor enrraigonamientu ya importancia pero onde nidiamente hai un mayor compromisu y capacida.
En positivo hai de destacar l’aceptable presencia d’Asturies en FITUR 2021, y el so claru apueste pol sidreturismu, llega con decenes d’anos de retrasu, pero paez que va en serio. Destacar tamien l’avance que supon la presencia con estand propiu en Madrid Fusion y el notoriu papel que tovieron los profesionales asturianos de la hosteleria.
Asina memso, ye de solliniar en dambos, la notable presencia y participacion de la DOP Sidre d’Asturies, qu’enancha los sos horizontes progresivamente y aumenta la so capacida d’incidencia, tantu dientru comu fora’l pais.
Per otru llau, tornaron los eventos gastronomicos como’l de la fabada, el de los cachopos o la entrega de los Platos d’Oru, colo qu’ello supon pa la dinamizacion del seutor, y ya ta camentandose na recuperanza de les fiestes de prau, y en xeneral del restu de cellebraciones sidreres o vinculaes a la sidre cuyu caltenimientu taba en custion.
Eso si, habria qu’esperar que dempues de les nefastes consecuencies de la masificación turistico promovia dende’l “Principado” esti anu sepan faese meyor les coses, y nun se cometan los mesmos erros, proque nun podemos permitimos un nueu repunte del andanciu.
Agora toca esfrutar de la sidre, y esti anu !la sidre ta perbono!!
