ENTAMU
Entró la primavera con fuercia y toa Asturies espolleta en sidre. Los eventos sidreros multiplíquense y escomienza a espuntar la temporada de los merenderos dempués d’un iviernu que vieno con más augua de lo avezao. Hai gana de sol y de sidre, y agora ye’l momentu.
D’otra manera, y comu vien siendo habitual, el “Principado” tornó dexar claro que s’ocupa de les coses bramente importantes poniéndose desixente col tamañu de les lletres de la etiqueta d’El Gaitero, que pon “Villaviciosa” en tamañu descomanadamente grande, dicíen. Afortunadamente El Gaitero ye una empresa fuerte, recurrió xudicialmente y ganó, poniendo n’evidencia a un “Principado” que sigue siendo fonte de problemes pal seutor.
(Visited 2.894.079 times)
