El Gaiteru foi premiáu nel apartáu de DOP y los hermanos Martínez, nel de llantíu.
LA SIDRA.- Natural de Pentanes, Bedriñana, Elías Carneado Mediu foi coronáu per cuarta vegada nel concursu d’espositores como “rei de la mazana”, poles sos races de sidra y mesa.
El so fíu, Jose Luis, amosábase satisfechu col premiu y consideraba que debíase principalmente a les sos pumaraes de cuasique 25 años, de los cualos presentó cinco races de mazana de mesa y dulce de sidra.
El vencedor na modalidá DOP Sidre d’Asturies foi El Gaiteru y Martínez Sopeña Hermanos, de San Xusto, recibió’l premiu al meyor llantíu.
Los accésit fueron apurríos a Francisco Foncueva, mazana de sidre polo xeneral; Carmen Lozano, mazana de mesa; hermanos Martínez, de Xixón, mazana con DOP; Igor Ferreras, meyor mazana en Villaviciosa; y Francisco García, meyor mazana ecolóxica.
