El certame escomienza güei xueves, 12 d’ochobre, y va cuntar con un ampliu programa d’actividaes fasta’l domingu, 15 d’ochobre.
LA SIDRA.-Villaviciosa va empezar güei el so XXXI Festival de la Mazana, como lleva faciendo ca maedios años dende 1960. Declarada como Fiesta d’Interés Turísticu Rexonal, tuvo la so presentación nel llagar El Gaiteru y cuntó cola presencia del alcalde de Villaviciosa, Alejandro Vega, miembros de la corporación, entidaes collaboraores y participantes.
Nesta edición podrá esfrutase d’una amuesa onde se van presentar les 54 nueves races de mazana incorporaes pol Conseyu Regulador para la Denominación d’Orixe Protexida (DOP), lo que supón un total de 76 races validaes pa la ellaboración de Sidre d’Asturies.
Coles mesmes, el Festival va cuntar con dos eventos sidreros de gran relevancia: la XXX edición del Concursu d’Echaores, que se va cellebrar el sábadu a les 17 hores; y el Concursu d’Asturies de Sidre Casero “Premiu Mundo Collada 2017”, en memoria del fináu enólogu destacáu pola so defensa de la cultura de la sidre, el domingu, a les 12 hores, na Plaza’l Güevu.
La pintura del cartelu, realizada por Jose Ramón García “Monchu”, nel so díi formó parte de la Fundación Jose Cardín Fernández.
