Ria Windcaller, cabezalera del blog Cider Chat, l’unicu potcast sobro la sidra de conteníu internacional y de tirada semanal, dedicará un espaciu especial a la sidra asturiana, LA SIDRA y especialmente al Salón Internacional de les Sidres de Gala 2016.
LA SIDRA.- Na cabera edición del Salón Internacional de les Sidres de Gala Ria Windcaller, periodista norteamericana, vieno pa cubrir la información d’esti eventu internacional, pa escubrir la cultura de la sidra asturiana y pa entrevistar a dellos de los participantes, tantu asturianos comu internacionales.
Esti ye’l primer añu que vien presonalmente pa cubrir el SISGA, sicasí nun ye nin munchu menos la primera vegá que l’eventu apaez na prensa d’EEXX, anque sí nun mediu tan específicu alrodiu’l mundiu la sidra comu ye Cider Chat, que cunta con gran prestixu internacional y aveza a entrevistar a llagareros de tol mundiu y a visitar los más importantes eventos sidreros internacionales.
Nesti primer reportaxe fálase del Dellegáu Internacional de LA SIDRA, Anzu Fernández, al empar que se presenta’l SISGA, el trabayu de la Fundación Asturies XXI y la revista LA SIDRA pal emponderamientu y conociemientu de la sidra asturiana ya internacional. Darréu espublizaranse nueos conteníos sobre’l viaxe de Ria Windcaller per Asturies y la so participación na cabera edición del Salón Internacional de les Sidres de Gala.
