El Serviciu Rexonal d’Investigación y Desendolcu Agroalimentariu (SERIDA) y la Conseyería de Mediu Rural y Cohesión Territorial entamen la “Xornada de Frada y Curiaos d’Iviernu en pumaraes de sidre”, que se cellebrará mañana martes 22 de febreru
La xornada consiste n’una parte espositiva, que se va desencolcar nel Teatru Riera de Villaviciosa, de magar les 9:30 hores, y una parte práutica, que va tener llugar nes parceles esperimentales del SERIDA (Villaviciosa), onde va rializase la fradaura.
Esta xornada, na que se van encetar temes d’interés pa los pumareros de mazana sidre, va tar desendolcada pol equipu del Programa de Fruticultura (SERIDA), que cordina l’investigador Enrique Dapena de la Fuente.
El programa va tratar sobro la fertilización y caltenimientu de llínies, protección fitosanitario, actuaciones específiques en nuevos llanteros, fradaura de formación y de fructificación en pumaraes d’exa y tradicional.
L’asistencia ye llibre y gratuita fasta completar aforu. Pa saber más www.serida.org
