Marta Roldan, enóloga y profesora d’Industries Alimentaries, desplica que’l sector sidreru nun busca personal cualificáu, lo que complica la puesta en marcha d’una formación específico n’Asturies
LA SIDRA.- Marta Roldán, llicenciada n’Enoloxía y en Ciencia y Tecnoloxía de los Alimentos, ye una firme defensora de la formación y la profesionalización en sectores tan tradicionales como’l sidreru o’l queseru. Profesora d’Industries Alimentarias nel IES Escultor Juan de Villanueva (Siero) propúnxose aniciar una entitulación en Quesería, yá que “n’España ye inesistente y anque esistió un certificáu de profesionalidá, d’unes 400 hores d’un nivel de cualificación más baxu, y dalgún monográficu y cursu de dellos díes, nun hai una formación esclusivo como sí hai n’otros países como Francia, Italia o Suiza”.
Cuando-y plantegamos la necesidá de que’l mundiu la sidre tamién cunte con una entitulación específico y por qué a estes altures nun esiste ná asemeyao nel nuesu país, la so rempuesta ye pronta, anque daqué decepcionante: “Porque’l sector sidreru nun demanda profesionales”
