L’emblemáticu chigre uvieín asitiáu na cai Gascona ufre esti productu, que forma parte d’un proyeutu pa recuperar una “tradición milenaria”
LA SIDRA.- La carne de güe de raza casina 100% yá pue degustase na cai Gascona d’Uviéu. El Ferroviario Chigre-Espicheru refuercia’l so apueste pol productu asturianu de primer calidá con una carne único de güe de raza Casina, autóctona d’Asturies.
Ye la primer vegada que podrá degustase un güe d’esta raza, dientru d’un ambiciosu proyeutu que pretende recuperar una tradición milenariu y una forma de llaborar les montañes asturianes como se fexo tola vida. Ye un animal que fuere sacrificáu’l 19 d’ochobre y que tres una maduración de 55 díis dio llugar a 415 kilogramos de carne que yá puen degustase n’El Ferroviario.
Nel Parque Natural de Redes a 11.300 metros d’altor críense los gües d’esta raza. Un alrodiu natural idílicu ente fontes y viesques naturales onde’l ganáu medra el llibertá dafechu, bien curiáu y alimentáu. El criador Diego Aladro fai ca añu unpercorríu de quince kilómetros ente El Campu -Casu- y el puertu del Valle Capiella pa llevar los sos gües al interior del Parque Natural, yá que la filosofía de la so crianza ye que vivan de manera ecolóxica en llibertá nes montañes. El Ferroviario amiéstase asina a esti proyeutu pa faer esfrutar a los sos veceros de los raigaños de la natura asturiana en ca bocáu.
