Los trés llagares van ufiertar sidre nel festival que se cellebra del 9 al 11 d’agostu
LA SIDRA.- Otru añu más torna la Feria Agroalimentaria de Productos Ecolóxicos de Asturies, y ente la gran variedá de productos presentaos, atopamos a la nuesa bébora patria. Trés son los llagares o empreses que s’inscribieron a esti alcuentru pa ufiertar sidre como son El Nocéu de Sariegu, el Güelu de Llanera y Agrecoastur, ésta postrera tamién presenta vinagre, marmiellaes y zusmios. Amás, el llamáu “Espaciu Gastro-FAPEA va convertir nel primer ‘Ecu-chigre’ con horariu de 12:00 a 20:30 el vienres y el sábadu, y el domingu de 12:00 a 16:00 hores.
Esta Feria Agroalimentaria de Productos Ecolóxicos d’Asturies, ta entamada pol Conceyu de Llanera cola collaboración del Conseyu de Producción Agraria Ecolóxica, el COPAE. Esti certame axunta tolos años a un ensame de productores y visitantes que lu consolidaren como un referente non solo llocal, si non yá estatal. Esti añu cúntase con productores de Portugal.
