La plantía del Muséu anuncien la so intención d’acudir a los tribunales pa cobrar los cuatro llibramientos que se-yos adelden.
LA SIDRA.- Tol mundiu lo sabía, pero naide nun facía un res: la plantía del Muséu de la Sidre de Nava llevaba meses ensin cobrar. Tuvieron que menaciar colos tribunales pa que les coses escomenzaran a movese, y agora mesmo lo único que se-yos ocurre ye que los patronos (“Principado” y Ayuntamientu Nava ente otros) alantren les sos aportaciones.
Un nueu parche pa unos meses mentes continúa la falta d’iniciatives y xorrez la menacia de qu’un Muséu que debiere ser referencial pa la cultura asturiana de la sidre acabe siendo un muséu pa turistes, de la man de Recrea, sociedá pública de xestión y promoción turístico-cultural.
Comu alternativa a esta situación namás cabe camentar n’aniciar un grupu d’espertos que, llibre de les politiqueríes que fundieron el Muséu, defina les funciones d’esti Muséu, que munchos vemos que tien de ser un referente de la cultura asturiana de la sidre, un cientru d’investigación, difusión y afondamientu, asumiendo tamién les funciones de cientru de documentación ya inclusu d’estudios enolóxicos, tan necesariu nun país comu’l nuesu nel que se carez d’esa ufierta educativa.
Ver artículu “Soluciones para un centro de la cultura sidrera”
