Esclariadora entrevista a Victor Ramos, presidente de la DOP Sidre d’Asturies
LA SIDRA.- Na revista LA SIDRA d’esti mes apaez como reportaxe principal una esclariadora entrevista a Victor Ramos, actual presidente de la DOP, na que resume la situación del sector y comenta dalgunos de los cambeos o caminos a siguir que reafitaríen el futuru de la sidre asturiano.
La entrevista escomienza asina:
Acabamos de cellebrar el Salón DOP Sidre d’Asturies. ¿Qué importancia tien esti Salón na actualidá sidrera asturiana?
Lo primero estimar a la revista LA SIDRA’l sofitu a la Sidre d’Asturies.
La importancia del Salón tien dos aguaes, per una parte nelli conceden los premios a les meyores sidres y los ganadores en ca categoría (sidre natural, sidre natural tranquila y sidre d’espolleta) conviértense nes sidres istitucionales pa un añu, fasta que se cellebre’l prósimu Salón.
Per otra parte, ye l’eventu más importante del añu n’Asturies, no que se refier a sidre natural, ye un puntu d’alcuentru ente profesionales del sector, llagareros, pumareros, hosteleros, comerciu… esti añu tamién cuntemos cola presencia de dellos representantes de les distintes alministraciones publiques, de partíos políticos, un representante de la Caxa Rural de Asturies y de diverses asociaciones, sommeliers, OTEA, medios de comunicación… nun quiero escaeceme de naide, y qué tanto, amigos de la sidra, consumidores que na so inmensa mayoría apuesten díi sí y díi tamién pola sidre d’Asturies. Esponiendo los sos productos había 30 llagares de los 31 que tán inscritos na DOP, creo que ye un ésitu de participación y demuestra’l compromisu d’estos con esta marca de calidá.
Pa recibir el PDF de la revista fai falta tar dáu/da d’alta nel whatsapp de LA SIDRA. ¡GRATIS!
