El maridaxe de los bombones de sidre d’Obrador Monte Naranco con sidre de Viuda d’Angelón un auténticu ésitu.
LA SIDRA.- El Restaurán Sidrería La Zamorana de Xixón foi l’escenariu onde se desendolcó esti orixinal maridaxe de bombones de sidre (con llechi y negro) con sidre Viuda de Angelón (Brut, esplumosa y Diamantes de Xelu).
Un eventu espeutacular que sosprendió a los mesmos entamaores, pol bon xuncir que tienen estos productos y les munches posibilidaes gastronómiques qu’ufierten, y qu’entá tan por esplorar y desendolcar correchamente.
Los bombones artesanos de sidre tovieren presentaos pol so ellaboraor Jose Antonio Darriba quien ente otres munches interesantes custiones desplicó que pa la so ellaboración cunta con auguardiente Salvador (9 años) de la Casería de San Juan del Obispo. Per otru llau Donao X. Villoria presentó les sidres de Viuda de Angelón que tovieren presentes nel eventu, y dirixió de forma maxistral esti orixinal maridaxe.
