Les emblemátiques sidreríes xixones naguren mañana xueves un nueu establecimientu, esta vegada n’Aviles.
LA SIDRA.- Les sidreríes El Mallu, de reconocía sonadía en Xixón pola so calidá y bon serviciu, abren n’Avilés un nueu establecimientu na Avenía de Lugo 36 que se nagurará mañana xueves 25a les 20 hores y al que conviden a asistir a tolos amantes de la sidre pa da-yos a conocer les nueves istalaciones nes que caltendrán la filosofía y el bon facer que-yos son propies y que tan bonos resultaos-yos tan dando en Xixón. Concretamente pondrán a dimposición de los sos veceros en Xixón un autocar dende la sidrería El Otru Mallu p’asistir a la naguración.
La sidre de Menéndez (Val d’Ornón, Llagar de Quintana y Menéndez) seguirá siendo’l palu del nuevu chigre avilesín, comencíos como tan de la calidá d’esti emblemáticu llagar, y por supuestu calteniendo la calidá nel echáu, el serviciu en tiempu y forma, y la temperatura afayaíza.
Nos tiempos caberos ye ca vegada más frecuente que los chigres que como Los Mallu, consiguen ser referenciales nel so seutor, abran nueos establecimientos nos que siguir aplicando’l so sistema, colo que tienen garantizao l’ésitu. Nesi sen, tamos ciertos de qu’esti nueu El Mallu avilesín algamará’l mesmu ésitu que los sos precedesores en Xixón.
