El so Terciu de Sidre recibió la medalla bronce.
LA SIDRA.- El Grupu El Gaiteru sigue collechando ésitos nacionales ya internacionales. La última reconocencia recibiéronla per parte del certame Australian Cider Awards, nel qu’el so Terciu de Sidre quedó de terceres, al valorar el xuráu les sos cualidaes como productu de consumu individual y carauterizáu polos sos arumes a cítricos frescos y mazana confitao.
El Gaiteru, que cunta con más de 127 años d’impecable trayeutoria, carauterízase pola ellaboración de productos que xunen tradición ya innovación, y ésto vese reflexao na amplia llista de premios llograos esti añu.
En xunu recibió siete medalles del prestixosu certame Bath & West British Cider Championships. Con trés plates llograes por Pomarina Brut y Sidre Natural El Gaiteru, asina como trés bronces por El Gaiteru Etiqueta Negra, Valle, Ballina y Fernández, Pomarina Natural ya Pomarina Natural Tradicional, asítiase como la empresa más premiada del Estáu y una de les más reconocíes a nivel mundial.
