Tres el so pasu pelos Emiratos Árabes el grupu empresarial pon rumbu al país nipón pa tar presente na mayor feria agroalimentaria de la fastera Asia-Pacíficu
LA SIDRA.- De magar mañana 5 de marzu y fasta’l prósimu díi 8, el recintu ferial Makuhari Messe International Convenction Complex (Makuhari Messe, Xapón) acoyerá la 44ª edición de Foodex Japan, una de les cites más importantes sobro productos agralimentarios que tien llugar na fastera Asia-Pacífico.
“Tres el so esitosu pasu pela Gulfood d’Emiratos Árabes, el Grupo El Gaitero, que continúa col llabor de dar a conocer los sos productos en tol mundiu, tará presente nesta ineludible cita, onde los visitantes podrán esfrutar de dellos de los productos d’esta emblemática empresa” siñalen dende l’emblemáticu llagar asturianu.
El Grupo El Gaitero participará con El Gaitero Red Grape y El Gaitero Cider, que l’añu pasáu consiguieron una y dos estrelles respeutivamente nos Japan Cider Awards y, como novedá, tamién colos sos vinos de Viñedos de Alfaro (DOC Rioja).
