El chigre, rexentáu por Beatriz Zuazua-Azcárate y César Casal y qu’el pasáu 6 de xunu cellebró’l so quintu aniversariu, fexo una espeutacular reforma, na qu’enancharen la cocina, costruyeren un nueu comedor y unos baños más amplios y afayaos.
LA SIDRA.- El chigre El Bosque ta de cellebración, el pasáu 6 de xunu cellebró’l so quintu aniversaiu y féxolo a lo grande, con una espeutacular reforma pa da-y un cambiu d’imaxe al llocal. Amás d’enancharla cocina, costrueyeren un acoyeor salón con capacidá pa trenta presones y reformaren los baños pa facelos más espaciosos y afayaos. Tres les obres rializaes, dexaren pasu a un llocal orixinal y perconfortable, con una decoración rústica, na que curia al másimu fasta’l más mínimu detalle, faciendo que’l veceru namás atravesar la puerte s’afaye como en casa. Esa calidez percíbese tamién gracies al tratu cercanu y familiar de los sos propietarios, Beatriz Zuazua-Azcárate y César Casal, que se desviven por ufrir el meyor serviciu.
N’El Bosque, que nun preslla dengún díi pa folgar, saben que la sidre ye especial que los veceros, ca vegada más, valoren el tratu que se-yos da. Por eso apuesten por tenela siempres ala temperatura afayaíza pa sirvir y échenla en tol llocal, incluyío’l comedor y la terraza, pudiéndose escoyer ente sidre Fran, la so DOP Ramos del Valle o Trabanco d’Escoyeta. El so esfuerciu espera algamar recompensa aína que se los distinga col sellu Sidreríes d’Asturies.
SIDRERÍA EL BOSQUE. Plaza el Bosque, 14 Bajo. Trubia. T. 984 282 464
