Nel Alleranu de Fito creen no nueso y demuestren el so compromisu nel díi ente díi: cocina tradicional, con productos asturianos y frescos, sidre de calidá, preferentemente con DOP, y los equipos esportivos de la ciudá
LA SIDRA.- Entrando nel Alleranu de Fito dos coses llámenmos l’atención de momentu: el deliciosu golor a pulpu y la decoración esportiva de les sos parés.
Lo primero débese a que ca dos meses dediquen un par de díis a realizar unes xornaes del pulpu, que tresnen en direutu a la entrada mesma de la sidrería, un bon trucu por que quedes naguando namás con pasar per delantre.
Lo segundo débese al fuerte compromisu d’esta sidrería col esporte de base llocal, desendolcando una importante llabor social nesi sen y siendo por ello avezao atopase esportistes y aficionaos ente les sos meses, sentaos ente les camisetes, escudos y trofeos qu’adornen les parés.
Sidrería El Alleranu de Fito. Cienfuegos 32 – Xixón T. 985 164 452
