L’enólogu Jose Antonio Norniella ufierta una tastia a restauraores del país pa conocer bien el productu.
LA SIDRA.- Nun ye lo mesmo saber de sidre qu’apoderar la técnica de conocer los sos atributos y defeutos. Asina, poques presones son capaces d’estremar los matices d’una sidre asturiano.
Por esti motivu, el Conseyu Regulador de la Denominación d’Orixe Protexía “Sidre d’Asturies” entamó na Llaboral la primera de les cinco xornaes téuniques que van desendolcase esti añu cola fin d’afondar na conocencia de la nuesa bébora por escelencia.
N’una tastia a ciegues na que participaron quince hosteleros, Jose Antonio Norniella desplicóde mientres dos hores les carauterístiques que conformen una bona sidre, con cuenta de que puedan responder a les entrugues plantegaes polos veceros.
Nos postreros años notóse un xorrecimientu notable na demanda de la sidre DOP y estes xornaes tán teniendo una gran aceutación, tantu pol acercamientu al profesional hosteleru como pola información facilitada p’ameyorar la vienta del productu.
