La marca engloba a la Denominación d’Orixe Protexía Sidre d’Asturies
El conseyeru de Desendolcu Rural, Agroganadería y Pesca, Alejandro Calvo, anunció na so comparecencia na Xunta Xeneral qu’el so departamentu va reforzar la promoción de la marca de calidá Alimentos del Paraísu, asina como la so vinculación cola imaxe turística d’esti país. “Tratar de llanzar un únicu sellu de calidá, Asturies, col que tienen de xorecer tolos demás”, solliñó.
Calvo espunxo esta selmana’l so plan d’actuación pa la llexislatura, una iniciativa que busca faer más curiosa la marca agroalimentaria pa consumidores y productores. Tamién siñaló que van potenciar l’agricultura ecolóxica y la investigación agrícola. “El seutor de la mazana y la sidre tien de siguir el so procesu de crecedera, estabilización y profesionalización. Tenemos d’aprofitar los enclinos favorables de consumu para poner en valorla Denominación d’Orixe Protexía Sidre d’Asturies. Que toles mazanes de nueses pumaraes sirvan para producir sidra de DOP y siguir xorreciendo en cantidá, calidá y valor añedíu pa llabradores y llagareros” dixo’l conseyeru y recordó que la cultura sidrera asturiana foi declarada Bien d’Interés Cultural de calter inmaterial en 2014 y qu’esti añu yá se presentó la so candidatura pa que seya incluyía na Llista Representativa del Padremuñu Cultural Inmaterial de la UNESCO.
