Mañana miércoles, a les 12 hores, va tener llugar la demostración del nuevu sitema de recueya de mayor eficiencia del país.
LA SIDRA.- Finca Gallinal estrena nueva collchadora, considerada la más eficiente d’Asturies “Ye una maravía que trata con mimu la mazana y ye capaz de pañar 20 tonelaes nel día ensin problema”
La nueva collechadora acóplase al tractor colo qu’a priori “per onde vaiga’l tractor, tendría de dir la collchadora, magar esixe unes condiciones de preparación de finca afayaíces para llograr el rendimientu deseyáu”. Lo que más se valora d’esta collechaora ye’l bon tratu que tien cola mazana que ta en baxo yá que “a diferencia d’otres, inclusive la que teníemos, ésta nun cute insistentemente a les mazanes por que lleguen al remolque”.
Tamién esperen consiguir más autonomía a la hora collechar y depender menos de los factores climáticos o inclusive la posible ausencia de personal pa recoyer. Finca Gallinal ye una pumarada inscrita na DOP Sidre d’Asturies. Cuenta con 21.5 Hes llantaes con 15.000 árboles de 10 races. Ente 2024 y 2025 van algamase los 23.500 árboles en 26 Hes y una capacidá de producción añal de 600.000 Kg.
Tocántenes a la campaña d’esti añu, una vegada recoyeron 5 de les 8 racesde mazana adscrites a la DOP, destaquen que l’amenorgamientu de la producción nel so casu foi namás del 15-20% “gracies al esfuerzu realizáu en riego y curiaos demientres l’añu, colo qu’evitsmos que la collecha nun seya del 30% o 40% inferior”.
