La revista LA SIDRA percuerre de la man de Manuel Busto los chigres La Cantina, La Ruta, El Corchu y Yumay, agrupaes alrodiu la estación de fierrucarril de Villalegre.
LA SIDRA.- Llámase llinderu a aquello que llenda con daqué. Nesti casu, l’espaciu que ta ente l’antigua carretera d’Uviéu a Avilés pel altu La Miranda y la estación de fierrucarril de Villalegre. Asitiamientu privilexáu pa dir a tomar unes botelles de sidre y xintar lo que seya menester, pudiendo dexar el coche nel aparcamientu la estación, o si se prefier, el serviciu de cercanía de RENFE fai que puedas dir cola satisfaición y la tranquilidá de que se pue beber la sidre que se quiera ensin l’esmolecimientu de garrar el coche. De momentu too son facilidaes pa dar un guacéu pela fastera.
- Primer parada: El Corchu
- Segunda parada: La Ruta
- Tercer parada: La Cantina
- Postrer parada: Yumay
