Dende la Conceyalía de Formación y Emplegu naveta va entamase de nueu un cursu d’echáu de sidre empobináu principalmente a presones desemplegaes y empadronaes nel Conceyu.
LA SIDRA.- El cursu, que sedrá gratuitu y tendrá llugar nel Llagar de Sorribes, entamará’l miércoles 25 d’abril, finando’l 18 de mayu, con una duración de 24 hores.
Arriendes d’ensiñar la téunica del echáu, impartiránse clases teóriques sobro’l tratu correchu de la sidre y la so ellaboración. A les presones que faigan, al menos un 75% de les hores totales del cursu, entregaráse-yos un diploma.
Pa participar nel cursu, les presones interesaes tendrán de presentar la solicitú nel Rexistru Xeneral del Ayuntamientu Nava del 7 al 18 d’abril n’horariu de 9:00 a 14:00 hores.
Les places son llimitaes y sedrán asignaes per rigurosu orde d’entrada nel Rexistru.
Horariu del cursu
Miércoles: 17:00 – 19:00
Xueves: 17:00 – 19:00
Vienres: 17:00 – 19:00
