Dexámosvos la crónica, con enllaces a les galeríes de semeyes, de lo que foi el XIII Salón Internacional de les Sidres de Gala, un SISGA hestóricu en más d’un sen nel que se superaron records y se roblaron documentos hestóricos
Los participantes nel 13 Salón Internacional de les Sidres de Gala fueron recibíos na mañana del xueves 28 na recepción del Hotel Zentral Rei Pelayo, pa participar nel actu inaugural del XIII Salón Internacional de les Sidres de Gala, nel qu’intervinieron Marcos A. Fdz. Presidente de la Fundación Asturies XXI, Manuel G. Busto, Presidente del xuráu de los Premios SISGA, y Gianluca Telloli, enólogu del Llagar Maley -Val d’ Aosta, Italia-, quien centró la so intervención na so visión de futuru dende’l pasáu para la sidra, realizando darréu una tastia de los sos principales productos.
Mientres el m
ediudía y aprovechando la posa pa la xinta, los llagareros veníos d’estremaos países conocieron de primer man l’ambiente de les sidreríes de Xixón, anantes de volver pa siguir coles actividaes programaes.
A lo llargo de la tarde celebraronse sendes tasties guiaes protagonizaes por Sidres de Madeira, qu’apocayá consiguieron la so reconocencia IXP, y polos productos del llagar mierense de Panizales.
La segunda xornada del Salón Internacional de -yos Sidres de Gala entamó ceo, cola xunta nel salón del Restorán Finca El Duque del xuráu de los Premios SISGA, compuestu por un representante de ca llagar participante y presidíu por Manuel Bustu.
Entantu los miembros del xuráu realizaben los sos deliberaciones, la organización del SISGA preparó pal restu de participantes una serie d’actividaes paraleles: per una parte, un nutríu grupu allegó a la visita empuesta al Muséu del Pueblu d’Asturies, onde’l miembru del xuráu del Campeonatu d’Escanciadores, Abrahan Castellanos (Sidrería Fonte Villoria) realizó un taller d’escanciáu; per otra, dellos productores visitaron la
Finca El Gallinal y les sos pumaraes, de la man de Daniel Exner.
Finalmente un cuartu grupu, formáu principalmente por autoridaes veníes pa la firma de la Rede Europea de Ciudaes de la Sidre recibieron d’Augusto Paramio, Coordinador de CERV y Europa Creativa Cultura, Ministerio Cultura y Deporte del Puntu Européu de Ciudadanía, del Ministeriu de Cultura y de Marcos A. Fdz una orientación tanto teórica como práctica de la meyor manera d’aprovechar les oportunidaes qu’ufierta esta figura pal futuru de la sidra nel continente.
Na tarde del vienres tuvo llugar la hestórica Robla Protocolu d’Adhesión a la Rede Europea de Ciudaes de la Sidre, RECS, nel Salón de Recepciones del Conceyu de Xixón, cola Sra. Alcaldesa de Xixón, Carmen Moriyón, como anfitriona de la Sidra y l’intervención y firma per parte de les autoridaes de la República Checa, Madeira, Tenerife, Servoz (Francia) Sain Marcel (Italia) Kuartango (País Vascu), Portugal, Valleseco (Gran Canaria) y, como representación asturiana, Nava, Cangues d Onís, y Xixón.”.
Tres d’una nueva sesión d’inmersión na Cultura Sidrera Asturiana peles sidreríes de Cimavilla, el continxente internacional movióse hasta Nava, onde realizaron una visita al Muséu de la Sidra, metanes la que tuvo llugar la solenmne investidura -por sorpresa- del llagareru ya importador nipón Tatsuro Fuji, del llagar Fukiware Cidrerie como Sicerator d’Honor.
De siguío esti mesmu realizó la presentación de les sidres xaponeses, antes de la visita al Llagar Sidra Roza, ganador de la Meyor Primer Sidre l’Añu de les ediciones 2.022 y 2.023.
Finalmente, la cena-espicha tuvo llugar nel cercanu Llagar de Sorribes, onde munchos de los recién llegaos atreviéronse a poner en práctica les sos acabante adquirir habilidaes como escanciadores.
El sábadu 30 de setiembre tuvo llugar la Tastia Abierta al públicu, na que tolos asturianos tuvieron la infrecuente oportunidá de conocer de primer man les sidres y derivaos más sorprendentes y de mayor calidá del escenariu internacional, amás de poder trabar conversación directa colos mesmos ellaboradores y asistir a delles presentaciones de productos guiaes polos mesmos productores.
El llagar d’El Trole foi esa mesma nueche’l llugar escoyíu pa celebrar la ‘Espicha de Xermandía” del SISGA’23, a la qu’asistieron tolos llagareros nacionales ya internacionales, importadores y esportadores, prensa especializao y collaboradores de la Fundación Asturies XXI y de la revista LA SIDRA, na que tolos llagareros interpretaron cantares tradicionales de los sos países.
El domingu despidíase’l SISGA’23 col llamáu Brunch de Gala nel que Pedro Baldó, chef del Restorán Finca El Duque, presentó una selección de platos de peralta calidá nos que destacaben los mariscos y pexes, perfectos pa maridar coles distintes sidres que fueron sirvíes como acompañamientu nuna degustación gastronómica de más de trés hores nes que quedó demostrada la versatilidá de la sidre y la so idoneidá p’acompañar platos de la más alta cocina. Mientres el Brunch fuéron apurriendose los esperaos galardones correspondientes a los Premios SISGA, qu’otorgaron un total de 160 premios, 24 d’ellos a productos asturianos.
