Los controles de collecha son una actividá indispensable del Conseyu Regulador de la DOP Sidre d’Asturies para garantizar que s’ellabora coles mazanes asturianes qu’enagora reconoz dicha DOP
LA SIDRA.- El Conseyu Regulador de la DOP Sidre d’Asturies garantiza, por mediu de los sos controles, la calidá y l’orixe 100% asturianu de la mazana que se destina a ellaborar sidre con denominación d’orixe, y más concretamente que se trata de les 76 variedaes de mazana asturiana -ente les más de 2.000- qu’enagora reconoz dicha DOP
Pa ello, auditores del Conseyu desplácense pa ispeccionar les pumaradas inscrites nel Rexistru de Parceles del Conseyu Regulador. Nesi momentu, verifiquen el cumplimientu de los requisitos del Pliegu de Condiciones tocántemes a races, marcu de llantíu, fradaures y demás curiaosobligatorios. Una actividá que non solo ye propia de les dómines de recoyíaa, sinón que la so comprobación repitise de manera periódica.
Demientres el periodu de collecha nel que mosatopamos, los llagares tienen de comunicar al Conseyu Regulador con un mínimu de 24 hores d’antemanamientu la rellación de veceros a los cualos van a recepcionar mazana con destín a Denominación d’Orixe Protexía. Con esta información, los téunicos del Conseyu rialicen controles ensin previu avisu, tantu nel llagar como nes pumaraes, comprobando la calidá y l’orixe de la mazana
