El Festival de la Mazana de Villaviciosa contribúi tamién al fenómenu cosmopaletu.
LA SIDRA.- Yá lo decíemos va un tiempu, y ye que’l mundiu la sidre ta enlleno de cosmopaletaes, ello ye, d’espresiones de despreciu a lo propio y sustitución por aquello que-yos abulta “más universal”, y qu’en rialidá nun ye más qu’una espresión de provincianismu ya inorancia.
Nesta ocasión la contribuición tuvo llugar nel Festival de la Mazana de Villaviciosa, onde a la pumarada, llámenla “Plantación de Manzano” comu pue vese na semeya del diploma ganáu polos Hermanos Martínez Sopeña, a los qu’aprofitamos pa felicitar por esta nuea distinción.
Bramente, ensin llegar a la categoría de “Bodega doméstica” pa llamar al llagar caseru, esto de llamar a la pumarada “plantación de manzano”, algama tamién un bon nivel.
