Únicu na so especialidá, cellebraráse’l prósimu domingu 31 de marzu nel marcu de la XIV Primer Sidre L’Añu
LA SIDRA.- Esti concursu, entamáu pola Fundación Asturies XXI y la revista LA SIDRA reivindica non solo la sidre casero, sinon la tradición de la maera na ellaboración de la sidre frente a los nuevos cascos d’acieru y de fibra de vidru.
Les bases pa participar son bien cencielles:
- L’ámbetu de convocatoria ye l’Asturies hestórica, dixebradamente de la “comunidá autónoma” a la que se perteneza anguañu.
- La sidre presentao tien de ser casero, y tar fecho en cascos de maera, a lo menos en dalgún momentu de la so ellaboración.
- Un mesmu llagaréru podrá presentar un másimu de dos tribes de sidre.
- Hai de presentar 6 botelles de sidre (retornaráse’l cascu nel intre de la so presentación) a la organización de la Primer Sidre L’Añu enantes de les 13 hores del domingu 31 de marzu.
- El xuráu, presidíu por Manuel G. Busto entamará la valoración nel mesmu Auditorio Dr. Francisco Cienfuegos-Xovellanos (L’Atalaya, Cimavilla) a les 13:30 h, en forma de tastia ciega y puntuación pública, siendo’l so resultáu inapelable.
- Establécense lospremios que vienen darréu:
- 1 Premiu. Pipa de sidre de maera de carbayu de 225 llitros, y diploma acreítativu.
- 2 Premiu. Xueu de densímetros y termómetru, y diploma acreítativu .
- 3 a 5ª Premiu. Diploma acreítativu
- El ganaor de ca edición formará parte del xuráu na edición del añu siguiente, nun pudiendo presentar la so sidre na mesma.
- La participación nel concursu supón l’aceutación de les presentes bases.
¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’24 / VIDIOS Y SEMEYES
PRIMER SIDRE L’AÑU / CONCURSU DE SIDRE CASERO / CONCURSO AMATEUR D’ECHAORES
Pa recibir el PDF de la revista fai falta tar dáu/da d’alta nel whatsapp de LA SIDRA
(Visited 2.890.403 times)
