El Concursu Meyor Primer Sidre l’Añu’23, que premia a la meyor sidre sobro la madre, ensin trasegar, cellebraráse’l prósimu 31 marzu na Sidrería La Montera Picona de Ramón, Xixón, cuntando con un xuráu de calidá presidíu por D. Manuel Busto.
LA SIDRA.- Trátase del únicu concursu de sidre específicu pa estar triba de sidre, y ún de los más importantes en cuantes al númberu participantes, sicasí nesta convocatoria vese daqué disminuidu por mor de que son munchos los llagares que nun ellaboraron sidre esti añu, o ellaboraron perpoco, y cuenten usalo pa ‘refrescar’ la sidre vieyo que teníen guardao nos tinos.
El xuráu tará presidíu por Manuel G. Busto, tando formáu’l restu’l xuráu por Emilio Rubio, Loreto García, Luis García, Ángel Solares y Joaquín Fernández.
El concursu desendolcaráse na Sidrería La Montera Picona de Ramón en dos xornaes:
- Vienres 31 de marzu a les 12:30 h. Esbilla de les 6 meyores sidres
- Miércoles 5 d’abril, a les 19:00 h. Final ente les 6 meyores sidres esbillaes.
La sidre ganaor sedrá la Sidre Oficial de la XIII Primer Sidre L’Añu que se cellebra del 6 al 9 d’abril nel Muséu del Pueblu d’Asturies, mercándose-y 1.000 € en sidre pa poner a dimposición de los asistentes a la q’ensin dubia ye la mayor espicha del país.
L’asistencia a les tasties del xuráu ye abierta al públicu en dambes xornaes, y al al rematar el concursu, y yá conocía la sidre ganador, el públicu asistente va poder prebar les sidres presentaes, pa que pueda conoceles y valorales de primer man.
PROGRAMA / MEYOR PRIMER SIDRE L’AÑU / SIDRACRUCIS / XII ASTURIANADA Y SIDRE / CONCURSU DE SIDRE CASERO / PROGRAMACIÓN INFANTIL /TASTIES
¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’23 / VIDIOS Y SEMEYES
