El llagar cellebra les sos XIII xornaes d’esta carne’l 8, 9 y 10 xunetu, el mayestru asador ye Vita Trabadelo.
LA SIDRA.- Güei escomiencen unes de les xornaes ineludibles pa los amantes de la carne y de a sidre. El Llagar Cabañón entama les sos XIII Xornaes del Chuletón. El mayestru asador ye Vita Trabadelo y ye más que recomendable acutar con anticipación al 985 407 550. Amás de les suxerentes xornaes, tamién hai de destacar qu’allegar a esti llagar ye visitar un auténticu muséu etnográficu.
Nel so patiu comedor atópense espuestos dellos mayos de distintos pesos, midíes y antigüedá. Tamién podemos atopar prenses de madera, gran cantidá de zapiques, impresionantes arcones, sifones d’entamos del sieglu XX o una estensa colleición de botelles. Yá solo nel primer espaciu del comedor, podemos apreciar una colleición de puertes tallaes a man con estremaos motivos asturianos comu trísqueles o rosetes. Coles mesmes, ye vultable la colleición de relós de paré que ta asitiada nuna de les escaleres del llagar.
Pero hai muncho más, y meyor ye velo que cuntalo. De manera que en Naves, Llagar Cabañón espéramos ufiertando una esperiencia gastronómico y etnográfico conxunta.
