Xixón Turismu pon en marcha una ueb con más de 60 llocales qu’ufierten menús y platos con serviciu a casa o pa recoyer; y convida a que más empreses que cunten con esti serviciu contauten pa completar el llistáu
LA SIDRA.- Debíu al Estáu d’Alarma decretáu pola Covid-19, munchos restoranes de Xixón escomenzaron a ufiertar los sos menús a casa. “Dende Xixón Turismu queremos poner en valor estes iniciatives y publiquemos na nuesa páxina ueb un llistáu de los restoranes que tán llevando la so cocina casa per casa y aquellos que sirven xinta pa llevar. Estos restoranes tán ufiertando un serviciu bien útil pa los/es xixoneses, pero tamién p’aquelles presones que se tuvieron que mover por sidesde trabayu”, señalen dende’l conceyu.
La páxina ueb ye
https://www.gijonconcalidad.com/ye/agospiamientos-y-hosteleria-abiertos
Amás, Xixón Turismu tamién informó de que permanecen abiertos na ciudá 21 agospiamientos en servicios esenciales. El llistáu pue consultase nel mesmu sitiu online. Con esta iniciativa, que tamién se dará a conocer al traviés de les redes sociales, el gobiernu llocal pretende sofitar a eses empreses que “se esmeran nel serviciu y que faen de la nuesa ciudá un destín turísticu de referencia y de calidá. Amás, quier amosar el so compromisu con tol seutor hoteleru y hosteleru”.
Amás indica que cualaquier empresa qu’ufierte esti serviciu, pue ponese en contactu con Xixón Turismu a: empresasgijon.info, teléfonu 639 157 343, pa incluyila nesti llistáu.
