El Conseyu Regularor de la Denominación d’Orixe Protexía (CRDOP) Sidre d’Asturies entama una nuea etapa cola renovación del so muérganu xestor énte la imposibilidá de rializar un nueu procesu elleutoral.
LA SIDRA.- L’oxetivu d’esti nueu muérganu xestor ye nidiu: trabayar con illusión coscientes de la enorme responsabilidá pa continuar aumentando ventes valor y notoriedá de la Sidre d’Asturies amparao pola DOP. Un oxetivu que sedrá posible gracies a la xunidá d’aición ente ellaboraores y productores.
El nueu muérganu reutor costitúise siguiendo les direutrices del “Principado”, al traviés de la direición xeneral de Desendolcu Rural, tres l’alcuerdu algamáu a finales de 2015 col seutor productor y ellaboraor pol que s’informaba de la imposibilidá de rializar un nueu procesu elleutoral pero pol que s’istaba a reformar la xestora que desendolcaba estes funciones dende entamos de 2014.
Asina, y tres comunicar a tolos responsables iscritos nos rexistros del Conseyu Regulaor el ditáu alcuerdu, la conseyera de Desendolcu Rural y Recursos Naturales, suscribió la resolución esti 1 d’abril, pa la que s’anicia una nuea comisión xestora fasta que se faigan nueves elleiciones.
La composición de la nuea comisión xestora ye la que vien darréu:
Representantes del seutor ellaboraor:
- Celestino Cortina Villar, na condición de Presidente de tala Comisión.
- Gerardo Menéndez García
- Víctor Ramos Noriega
- José Luis Piñera Trabanco
- Francisco Martínez Sopeña
- María Cardín Blanco
Representantes del seutor productor:
- Belén García Valdés na condición de vicepresidenta de tala Comisión.
- Elvira Obaya Menéndez.
- Camino López del Riego Ballesteros.
- Guillermo Guisasola Avello
- Antonio Muñoz Alvarez
- José Manuel Cuesta Viña
El nueu presidente de la comisión Xestora, Celestino Cortina Villar, ye enólogu de profesión y xerente de Sidre Cortina Coro en Villaviciosa, llagar fundáu pol so güelu en 1952. Representa a la nuea xeneración xoven formada d’ellaboraores con ganes de dirixir con enfotu y trabayu’l timón de la DOP los próximos años.
Pel so llau, la vicepresidenta, Belén García Valdés, natural d’Illas y productora de mazana con 3.4 hectáries rexistraes na DOP siempres tuvo xuncía al mundiu dla mazana. Pertenez a la Xunta Reutora de Campoastur. Tresmite la so bona enerxía y enfotu nel desendolcu y xorrecimientu de la DOP Sidre d’Asturies.
La DOP Sidre d’Asturies cumplió l’añu pasáu una trayeutoria de 12 colleches d’ellaboración controlao baxo’l Conseyu Regulaor, ta formada por 23 llagareros y 272 collecheros.
