Allugada nel barriu uvieín de Vallobín y rexentada, dende fai más de trés años por Nicolás Negrea, con una peramplia esperiencia nel seutor, apuesta por echar la sidre y polos productos asturianos.
LA SIDRA.- Nel barriu uvieín de Vallobín, va trés años y mediu, Nicolás Negrea decidió, dempués d’una dilatada esperiencia nel seutor de la hostelería como camareru en Gascona, abrir el so propiu llocal, Casa Nico. La esperiencia ta siendo “bien positiva”, porque, como reconoz, “anque nun hai munchos chigres pa convertilo nuna zona como Gascona na que la xente venga d’otres partes de la ciudá, la vecería ye bien fiel y afayaíza”.
Esti negociu familiar, que cunta con una prestosa terraza y un atopaízu comedor, decoráu con imaxes de zones representatives del país -Parque natural de Somiéu, Llagu Enol o Puertu Veiga- , destaca pola so cocina casera y tradicional, nel que los productos asturianos son los protagonistes principales, destacando pola so calidá, proximidá y garantía d’orixe.
