Tomar unes botelles de Val de Boides na barra, sentase a char la partida o picar daqué na sidrería, echar un futbolín na terraza, pasar la tarde nun merenderu o esfrutar d’una comida de lluxu nel comedor, too ye posible en casa Kilo
Una de les grandes virtúes de Asturies son esos sorprendentes ya inesperaos chigres que mos llevanten la moral, llenos de paisanos, partíes de cartes y sidre.
Daqué asina esperamos al entrar en casa Kilo, na llocalidá maliaya de Quintes, pero rápido afayamos la terraza posterior, qu’envolubra con un ambiente chill-out a un acristaláu y elegante comeor, onde los manxares del so acoyeor dueñu Rodrigo, fixeron les delicies de grandes figures como Marc Márquez, David Villa o Quini. De fechu los más asiduos comentáronmos el gustu de Juanma Castaño, ún de los más míticos periodistes del país por esta sidrería.
Fai yá cuatro xeneraciones qu’una modesta pareya de Quintes abría’l so “chigre tienda”. Los güelos de Rodrigo dedicábense a los portes, y mentes elli taba trabayando col camión, ella encargábase del establecimientu, que ca vegada foi ampliando los sos horarios fasta que los pas de Rodrigo fixéronse cargu del llocal.
