Tener pente los fogones a una Guisandera ye seña indubiatible d’alta calidá gastronómica y fidelidá a la tradición culinaria asturiana. Tener dos, como ye’l casu de la Casa de Comidas Los Pisones, supón un plus difícil de superar, pero si amás eses dos, Beatriz Fernández y Noelia García, son fía y xenra d’una de les Guisanderes con más sonadía, Leni Gutierrez, recientemente finada y que-yos tresmitió tola so sabencia, algámase un nivel superior.
Esa sabencia recuéyese’n ca cuyará d’esti pote, que lleva en sí tola potencia y saborgu de les berces del país ya’l bon y abondosu compangu cocinao ensin priesa, cola testura precisa de les fabes en so puntu, nin dures que trisquen nin blandes qu’esfarrapen.
La sidre natural filtrada Pomarina, de El Gaitero, furrula equí comu bon contrapuntu, dexando la boca llimpio pente cuyaraes y resaltando’l tastu intensu del pote.
Casa de Comides Los Pisones. C/ Jesús Revuelta Diego 5. Xixón. T.985 89 91 68
