Nel seutor productor presentáronse dos candidatures que van allegar a elleiciones el 15 de mayu, de los ellaboraores namás hai una propuesta
LA SIDRA.- Rematáu’l plazu de presentación de candidatures para la renovación del Muérganu de Gobiernu del Conseyu Regulador de la DOP Sidra de Asturies, la Xunta Ellectoral, axuntada’l 13 d’abril, dio por definitives toles candidatures presentaes.
Del seutor ellaborador presentóse una única candidatura polo que los sos miembros van ser proclamaos vocales del Conseyu Regulador. Estos son: Sidra Fran, Llagar Castañón, Sidra Cortina Coro, Sidra Frutos, Sidra M. Zapatero, Sidra Quelo (como titulares); y Sidra Menéndez, Llagar La Morena y Martínez Sopeña Hermanos (como vocales).
En cuantes al seutor productor, presentáronse dos candidatures que van allegar a les elleiciones que se van cellebrar el prósimu sábadu 15 de mayu de 10:00 a 16:00 hores na see del Conseyu Regulador en Villaviciosa. Nuna de les candidatures tán: Dexnera BD, Antonio Torres Pelo, José Alonso Arias, Delfina Llera, Heriedu Yacente de Miguel Valdés Cardín, Pumarada La Rozada (como titulares); y Simon Ashbridge, Pedro Cañes y Cesáreo Ferreras (como suplentes). Na otra candidatura tán Guisasola Distribuciones, Auxiliar Medioambiental, Belén García, Eduardo Cortés, Productora Agroforestal de Asturies y María Jesús Vallina (como titutales); y Llamedo CB, Ignacio Gómez y Salencias (como suplentes).
“El CR DOP Sidra de Asturies anima a tolos productores inscritos a participar nes elleiciones pudiendo solicitar el votu per corréu fasta’l 20 d’abril col formulariu establecíu con esi envís” manifiesta la entidá.
