Los prósimos 9 y 10 de febreru cellebraráse en La Pola el XII Certame de los Cancios de Chigre.
LA SIDRA.- Nel eventu entamáu pola asociación cultural Amigos del Roble participarán diecisiete tertulies procedentes de Siero, Uviéu, Comarca de la Sidre, Lluanco, Puertu Veiga, y Vargas (Asturies de Santillana), y once chigres, pelos qu’escomenzarán a canciar de magar les 21 hores.
Asina mesmo cúntase cola collaboración d’Anabel Santiago y Celestino Rozada que fadrán la ronda cantando tonada, asina como poles pareyes de gaita y tambor formaes por Belén Arboleya y Xuacu Areces, asina como Valentín Fuentes y Juan P. Santos.
Arriendes d’ello l’asociación Amigos del Roble distribuirá unos cancioneros pa que la xente acompangue canciando nos chigres.
La edición d’esti añu ta dedicada al compositor y músicu asturianu Manuel del Fresno y Pérez del Villar (Uviéu 1900-1936), autor ente otres obres del poema sínfónicu Paisaxe Asturianu y de la Colleición de cancios asturianos.
