Nel salón participaren xampanes, caves, y tres llagares de sidre brut
LA SIDRA.- Esta foi la sétima edición que se fai de “Burbujas”, un salón que xunce estremaes marques de cava, xampán y sidre esplumoso. L’eventu llevóse a cabu nel Hotel Oca Palaciu de La Llorea, asitiáu na Carretera de Xixón-Villaviciosa. Burbujas 2016 ta entamáu por El Comercio y Gustatio, cuntando col padrociniu del concesionariu Adarsa.
Como davezu, pela mañana tuvo llugar Gastroburbujas. Un alcuentru que permitió a los hosteleros prebar productos colos qu’harmonizar los esplumosos, Por exemplu Jamón Beher, Foie Martiko, Ostras Daniel Sorlut, Conservas la Brújula, Setas Silvestres y postres de Poison Apple.
Pela tardi cellebrárense tasties. Los hosteleros pudieren aceder de 12 a 15 y de 17 a 21 hores, mentes el públicu en xeneral pudo facelo de magar les 18:30. Los llagares presentes fueron El Gaitero, Emilio Martínez y Trabanco
Darréu cellebróse Burbujas Party, una cena-cóctel ellaborada por Nacho y Esther Manzano nel so restorán La Salgar, onde hebio un amuesa de cócteles con cava y sidre.
