Son los primeros llagareros d’Europa especializaos n’utilizar llúpulu desecáu nes sos combinaciones.
LA SIDRA.- Blakstoc significa “árbol vieyu” n’alemán medieval y refierse a la creyencia de la compañía en que los árboles que xorrecen de forma natural y les pumaraes monteses non yá producen les meyores mazanes, sinón que ye tamién la forma más ecolóxica de cultivales.
El mayestru cerveceru Karl Karigl formientó la so primer sidre siendo un mozu escolín, munchos años enntes de tener la edá llegal pa tastiala. De magar entós, nunca nun dexó d’esperimentar con toa triba de frutes y saborgos, siendo les mazanes de les llombes d’Estiria, al sureste d’Austria, el so principal ingrediente.
Utilicen estremaes races de llúpulu pa crear saborgos únicos con un acabáu refrescante y amargosu. La pasión de la compañía polos ingredientes naturales refléxase na so variedá d’innovadores sidres artesanes: llimón y llima, canela y nuez moscao, xenxibre y miel, brusel negru y marmiellu son exemplos de lo saborgos únicos de les sos sidres.
