Entamáu pola asociación Asturies ConBici, va cellebrase’l prósimu sábadu 5 de payares.
¿Qué ye’l biciamagüestu?
Trátase d’una actividá cola Asturies ConBici preslla’l calendariu oficial d’actividaes d’esti añu, faciéndolo de forma festivo y risondero, demostrando una vegada más que ye compatible l’usu de la bici col ociu.
Pa ello rializarán una cenciella marcha ciclista pwla redolada de Xixón, apta para families, fasta’l llugar onde vamos cellebrar l’amagüestu. La sidre’l duernu y les castañes apúrreles gratuitamente l’asociación. La idega ye confraternizar y pasar un ratu prestosu, polo que s’agradez llevar xuegos y daqué de xinta pa compartir.
Cola idea de nun xenerar borrafes plástiques, convidar a llevar un vasu o recipiente presonal nel que beber la sidre.
¿Cuándu?
El sábadu 5 de payares de 2022
Quédase a les 11:30 hores para dir xuntos en bicicleta al llugar del amagüestu.
Tarase aprosimao dende les 14:00 h hasta les 17:30 h (hai que cuntar que sobro les 18:00h ye cuasique de nuechi y enfresca).
¿Ónde?
Concentración nel Llocal d’Asturies ConBici (Puertu Zarréu 1, baxu, 33207 Xixón, Barriu d’El Polígonu). a les 11:30h. pa salir a les 11:40 hores.
Van faese unos 20 kilómetros en bicicleta pa llegar al llugar del amagüestu na Llaboral Centru d’Arte en Cabueñes.
¿Cómo ye la ruta?…
Si’l tiempu acompaña, dende’l llocal vamos xubir pela cai Sierra del Sueve pa coyer la Vía Verde de La Camocha y al altor del Centru Cultural y Chigre de Lleorio salir per caminos de poco tráficu escontra la Sienda Fluvial de la Camocha y enllazar col carril bici que llega fasta la Llaboral (20 kms)
Si’l tiempu nun acompaña tantu, vamos dir per una ruta urbana más directa a la Llaboral (7 kms). Tamién puede emponese esta ruta pa les families con neñes y neños más pequenos, en cualisquier casu.
¿Quién pue dir?
Toles presones, socies o non, que quieran y que tengan ganes de pasalo bien cellebrando la seronda. Ruta cenciella afayaiza pa dir en familia.
¿Ye obligatorio apuntase?
NON, nun ye obligatoriu apuntase primeramente.
¿Cuánto cuesta?
0€ (gratis). L’asociación Asturies ConBici va llevar sidre’l duernu y tolo necesario pa disponer de castañes asaes.
¿Qué hai que llevar?
Un vasu o botellín pa beber la sidre’l duernu (si queremos un eventu sostenible, nun hai que xenerar basoria innecesaria). Por ello nun se van apurrir vasos de plásticu desechables.
Xinta. Suxúrese llevar xinta pa compartir (tortielles, güevos duros, empanaes, casadielles…).
Xuegos colleutivos como pelotes, cuerdes, fresbees, indiaques… pa pasar la tardi.
