Los uruguayos cellebren el 31 d’avientu una particular fiesta na que cuerren llitros de sidre.
LA SIDRA.- Cientos de presones en Montevideo despidieron el 2017 cola tradicional batalla de sidre nel Mercáu del Puertu.
Al meudíi yá s’axuntaren decenes de presones na plaza, na qu’inclusu s’improvisaren puestos de vienta de sidre.
Un mozu rompió’l xelu llanzando sidre a un grupu de pasiantes y empicipió la batalla, na que nun faltaron la música, el baille, nin les ganes de folixa.
Al ser un llugar bien céntricu y visitáu por turistes, llegaron a rexuntase cientos de presones deseosos de cellebrar la fin d’añu papándose en sidre. Finalmente, llanzáronse fueos artificiales p’animar a los asistentes y presllar el festexu.
Esta tradición xúnese a otres d’estes feches, como la de resgar los vieyos calendarios y esparder les sos fueyes pela Ciudá Vieya.
