Bases del XI Concursu Semeyes LA SIDRA

BASES DEL XI CONCURSU SEMEYES LA SIDRA

1. Van Poder participar toles presones (seyan profesionales o aficionaes) qu’unvien semeyes dientru’l plazu señaláu y nos soportes riquíos en ca casu. Les semeyes namás van poder ser presentaes polos sos propios autores.

Pol fechu de participar, el participante afirma ser autor de les semeyes y tar en plenu drechu p’autorizar que seyan espuestes y espublizaes en catálogos, trípticos, pósters, etc., dexando esti drechu a los entamaores y a los sos organismos cimeros CEF , que van tar obligaos siempres a mentar l’autor y l’entítulu de la obra. los entamaores y organismos cimeros queden esentos de cualaquier responsabilidá énte la reclamación por drechos d’imaxe de terceros.

Esti concursu tien la reconocencia de la CEF y ye puntuable pal llogru de los títulos d’Artista, Escelencia y Mayestru de la CEF. Por ello, el concursante concede la so autorización a los entamaores y al so organismu cimeru CEF, pa que los sos datos presonales seyan mecanizados, siempres nel ámbetu esclusivu de la divulgación artística de les sos obres, y pa la espublización de los sos méritos y premios destinaos pal llogru de distinciones CEF.

Los entamaores y concursantes sométenser al reglamentu de reconocencies de la CEF y a les presentes bases. Si dalguna situación nun tuviera contemplada nestes normes, va ser estudiada pola organización, que va poder consultar cola CEF, y va ser resuelta pola Xunta Direytiva.

 Nun van poder participar nel concursu los miembros de les Xuntes Direutives de les entidaes entamaores, nin los sos familiares

2. Solo van almitise semeyes rellacionaes cola sidrw, la mazana o cualesquier de los sos derivaos, conforme a les carauterístiques descrites nestes bases.

El númberu máximu de semeyes presentaes per ca autor sedrá de cinco (5).

Si s’atopen semeyes feches por una mesma cámara, presentaes so diversos nomes, tolos autores implicaos van quedar automáticamente descalificaos.

3. Almítense tolos xéneros y procedimientos esencialmente fotográficos. Sicasí, nun se van almitir a concursu les infografíes. Valoraránse les imaxes que representen el procesu d’ellaboración y consumu de la sidre en cualisquier aspeutu tantu dientru como fora d’Asturies.
4. Les semeyes tienen d’unviase nos soportes indicaos y dientru’l plazu de duración del concursu: dende’l momentu de la espublización d’esta convocatoria en LA SIDRA (Fundación Asturies XXI) o na páxina ueb de FB de Asemeyando, y fasta el 31 d’avientu.

La inscripción ye gratuita

5. Establezse xuna sola modalidá: (DIG) Archivos Dixitales. Les imaxes unviaránse en baxu resolvimientu pa la so proyeición, (1200 pixeles pel so llau mayor y 72 ppp) 2 Mg máx. y solicítase tamién n’altu resolvimientu con un tamañu de 50×70 cm y xuna resolvimientu de 254 ppp, ensin marcos, tando la imaxe a sangre nel llenzu pa que l’entamaor pueda exercer el so drechu a reproducir les obres nos sos catálogos o los medios previstos nestes bases. Les semeyes unviaránse en formatu dixital JPG siguiendo les instrucciones del programa informáticu a la direición https://www.concursosdigitales.com/wp/?page_díi=1363
6. Les semeyes nun podrán tener sío premiaes en ndngún otru concursu.
7. Un xuráu cualificáu formáu poles presones que va designar Asemeyando Asociación Fotográfica, y ente les que se va incluyir siquier un xuráu CEF, va escoyer, ente les semeyes recibíes, a la ganadora, los dos accésits y la mención especial JR.

Podrán refugase aquelles obres que nun s’afaigan a la tema alcordada o nun s’afaigan al formatu esixíu.

El fallu del xuráu realizaráse nun actu públicu y abiertu y va ser inapellable y definitivu.

9. Nun se permitirán firmes, marcos nin testos sobro les imaxes.
10. Les 20 imaxes finalistes van formar parte de l’amuesa “Semeyes Sidreres” que se van esponer nel actu d’entrega de premios. Esta esposición podrá ser itinerante al envís de potenciar a la cultura asturiana de la sidre.
11. Los premios a los qu’opten les semeyes son:

• Imaxe ganadora dotáu con 700 € en metálicu, medaya d’oru CEF
• 1er accésit dotáu con 250 € en metálicu, medaya de plata CEF,
• 2º accésit dotáu con 150 € en metálicu, medaya de bronce CEF

• Mención especial “Sidra JR” dotáu con dos caxes de sidre a la meyor semeya en rellación con dichu llagar y/o los sos productos. Podrá optar a esti premiu cualesquier de les semeyes presentaes.
• A los premiaos aplicaráse la correspondiente retención prevista na llexislación tributaria vixente.
• Les primeres 25 obres van recibir puntuación CEF

12. Tolos finalistes van recibir un diploma ya invitación a la entrega de premios.
13. Los premios a les meyores semeyes (previa comunicación per y-mail o teléfonu a los ganaores) van faese públicos na revista LA SIDRA (F. Asturies XXI) y la ueb de fb de Asemeyando.
14. Les semeyes premiaes y una esvilla de les meyores van ser espublizaes na revista LA SIDRA (F. Asturies XXI).
15. Toles semeyes finalistes van ser espublizaes y nel so casu van poder ser utilizaes por LA SIDRA (F. Asturies XXI), respetando’l so formatu d’imaxe y mentando al autor.

La organización acútase’l drechu d’espublización de les semeyes na revista, llibros y restu de material que pudiera editase col únicu oxetivu de potenciar y espublizar la cultura asturiana, la sidre y este mesmu concursu, citando espresamente al so autor. Nun va esistir dengún tipu d’arriquecimientu nel espardimientu de diches obres.

16.El fechu participar supon la completa aceptación de les presentes bases.