BASES DEL VII CONCURSU DE SEMEYES “LA SIDRA” (ASTURIANU)
1. Podrán participar toles presones (profesionales o aficionaos? Qu’unvíen daqué semeya dientru’l plazu siñaláu y nos soportes requeríos en ca casu. Les semeyes namás podrán ser presentaes polos sos propios autores.
2. Namás podrán unviase semeyes rellacionaes cola sidre, la mazana o cualisquier de los sos derivaos y conforme a les carauterístiques descrites nestes bases, siendo 5 el númberu másimu de semeyes presentaes por autor. Si s’atoparen semeyes feches por una mesma cámara, presentaes baxo estremaos nomes, tolos autores implicaos quedaríen automáticamente descalificaos.
Afítense 2 categoríes
Semeya Dixital pa imaxes captaes con cámara semeyes dixital refles o compauta.
Semeya Instagram pa imaxes captaes con teléfonu movil y editaes con instagram.
3. Nun entraran en concursu infografíes, valoraránse a les imaxes que representen el procesu d’ellaboración y consumu de la sidre en cualisquier aspeutu tantu dientru comu fuera d’Asturies.
4. Toles semeyes tienen de remitise dientru’lplazu de duración del concursu, de magar el momentu de la so espublización en LA SIDRA (Fundación Asturies XXI) y fasta’l 16 d’avientu nel casu de la categoría Semeya Instagram y pa la categoría Semeya Dixital sedrá ‘l 25, nos soportes indicaos.
5. Les semeyes unviaránse en formatu dixital a la direición infolasidramail.com nel asuntu de corréu tendrá d’indicase la categoría na que participen.
6. Les imaxes qu’opten al premiu de la categoría Semeya Dixital tendrán de remitise en formatu comprimíu en JPG y en tou casu con una resolución de 254 ppp y un tamañude 50 x70 cm, ensin marcos, tando la imaxe a sangre nel llenzu. Nel corréu tendrá de figurar nome y direición del autor, nb. teléfonu y testu indicativu de pie de semeya o semeyes.
Les semeyes qu’opten al premiu de la categoría Semeya Instagram, tendrán de remitise en formatu JPG cola másima calidá que dea’l so teléfonu una vuelta editaes. Toles imáxes recibíes qu’entren en concursu colingaránse en Facebook y ganará la semeya que más “Me Gusta” recibiera, podrá votase dende’l 25 de payares que se xubirán a facebook fasta’l 16 d’avientu a les 12:00.
7. Les semeyes tienen de ser necesariamente inédites, ello ye, nun tener ganao dengún otru concursu.
8. Un xuráu cualificáu formáu poles presones que designe LA SIDRA (F.Asturies XXI) seleicionará, enteles semeyes recibíes la ganaora de la categoría Semeya Dixital.
9. Nun se permitirán firmes, marcos nin testos sobro les imaxes.
10. Nun s’almitirán composiciones formaes por más d’una semeya.
11. LA SIDRA (F.Asturies XXI) reservase’l drechu a solicitar l’orixinal a los ganaores.
12. Les imaxes finalistes formartán parte de l’amuesa “Semeyes Sidreres” que s’espondrá nel actu d’entrega de premios. Esta esposición podrá ser itinerante col oxetu de dar puxu a la cultura asturiana de la sidre.
13. Ente les semeyes finalistes na categoría Semeya Dixital premiaránse comu vien darréu:
Imaxe ganaora dotada con 800 € (700 € en metálicu y 100 € en llibros)
2 Accésit con una dotación de 50 € en llibros y un llote de productos sidreros .
Tamién se dará a conocer oficialmente la imaxe ganaora de la categoría Semeya Instagram, dotada con 300 €, (250 € en metálicu y 50 € en llibros)
Premiu especial “Sidra JR” dotáu con dos caxes de sidre a la meyor semeya en rellación con dichu llagar y/o los sos productos.Podrán optar a esti premiu cualisquiera de les semeyes presentaes en cualaquiera de les dos categoríes.
Pa optar al premiu l’autor o presona dellegada por elli tendrá d’acudir a la recepción del mesmu, que se-y comunicará con abondu antemanamientu.
14. Los finalistes recibirán un diploma ya invitación a la espicha d’entrega de premios-
15.Los premios a les meyores semeyes (previa comunicación per e-mail o teléfonu a los ganaores) fadránse públicos na revista LA SIDRA (F.Asturies XXI).
16. Les semeyes premiaes y una seleición de les meyores sedrán espublizaes na revista LA SIDRA (F.Asturies XXI).
17. Toles semeyes finalistes sedrán espublizaes y nel so casu utilizaes por LA SIDRA (F.Asturies XXI), respetando’l so formatu d’imaxe y mencionando al autor. La organización resérvasel drechu d’espublización de les semeyes na revista, llibros y restu de material que pudiere editase col únicu oxetivu de dar puxu y esparder la cultura asturiana, la sidre y esti mesmu concursu, citando espresamente al so autor. Nun esistirá denguna triba de llucru nel espardimientu de diches obres.
18.El fechu participar supón l’aceptación dafechu de les presentes bases.
En casu dulda na interpretación de les bases nes estremaes llingües, tien preferencia la versión n’asturianu por ser la orixinal.
