El llagar Mostrasse & Most Barons, d’Austria, presentó nesta nueva edición del SISGA los sos trés esquisites variedaes de sidre de pera, llogrando convencer al xuráu internacional cola so sidra Exibatur Mostbaron, que llogró’l segundu premiu na categoría a meyor perea, y con Preh Mostbaron, que quedó tercera.
LA SIDRA.- Bernhard Scheiblauer ye un xoven llagareru que vive nel sur d’Austria, nuna zona bien carauterística pola gran presencia d’árboles frutales, cuantimás la peral. Na so familia, amás de la empresa dedicao a la perea, esiste una tradición cultural bien enraigonada no rellacionao a esta bébora, tantu que fasta son consideraos los “barones del mostiu”.
Esti SISGA 2015 tuvo la suerte de cuntar cola presencia de Bernhard y Martina Schuller, que, amás de llevar dos premios SISGA, presentaron los sos trés variedaes de perea: Exibatur, Preh y Brous Mostbaron. Unes sidres qu’encantaron a los presentes na tastia. Bernhard afirma que la xente nun sabe enforma sobro la perea, anque esiste un interés tímidu pero presente haza ella. Asina mesmo, agradeció la invitación a esti V SISGA nel que, según esti llagareru austrícu, xúnese’l bon ambiente, el gran interés poles tasties de sidre y la gran llocalización xeográfica, “un conxuntu perfechu” a xuiciu de Bernhard.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
