Una llamada de Nueva York lleva a dos empresarios asturianos a conocer el mundiu sidreru norteamericanu.
LA SIDRA.- Rafael Vigil y Víctor Menéndez, maliayos naturales de Pion y Candanal respeutivamente, dedíquense va años al caltenimientu de pipes de maera de la mayor parte de los llagares asturianos.
Tantu ye asina que la so fama llegó a América. Al traviés de contaUtos llaborales, un díI reciben una llamada de Nueva York pidiendo información per corréu lletrónicu pa reparar pipes n’una sidrería de Brooklyn.
Dos hermanos americanos d’orixe coreanu, dempués de conocer el mundiu de la sidre nel nuesu país y namorase de la nuesa cultura y gastronomía, deciden mercar siete pipes de maera al Llagar Canal y montar el so propiu negociu allende los mares.
Dueños de la mayor llicorería de Brooklyn y con una finca con 12.000 pumares, ellaboren cinco tipos de sidre nel so establecimientu Cider House: Kinda Dry, Half Sour, Bone Dry , Still Bone Dry y Raw, gallardonada como Meyor Sidre del nuesu país esti añu en Dan Berger’s International Cider Competition.
Amás abrieron un restorán con xinta tradicional de espicha y amestaron a les sos seyes pipes de maera (unu atópase na so finca), seyes más d’acieru inosidable.
