LA SIDRA.- El gobiernu asturianu dio lluz verde al aniciu d’un comité direutor que collaborará na propuesta de declaración de la cultura sidrera asturiana como padremuñu cultural inmaterial de la humanidá pal so treslláu a la Unesco. “Esti muérganu de calter consultivu ta formáu por presones designaes pola so cualificación, esperiencia, conocencia y trayeutoria profesional”siñalen.
El comité encargaráse d’asesorar a l’Alministración autonómica pa dar puxu a la ellaboración de propuestes y configurar aiciones d’espardimientu y promoción, amás d’aportar suxerencies sobro los procesos de participación social, dinamización y proyeición colleutiva que se lleven a cabau a lo llargo’l procesu.
Cuntará con una presidencica colexada formada polos titulares de les direiciones xenerales de Padremuñu Cultural y de Desendolcu Rural y Agroalimentación, xunto col responsable del Conseyu Regulaor de la Denominación d’Orixe Protexía Sidre d’Asturies. Tamién tendrá diez vocales nomaos ente profesionaes d’esperiencia y con capacidá pa dar puxu a la candidatura:
– Pablo León Gasalla, téunicu de Padremuñu Cultural.
– Iván González Sánchez, críticu y dinamizaor gastronómicu.
– Xuacu López Álvarez, direutor del Muséu del Pueblu d’Asturies.
– Inaciu Hevia Llavona, comunicaor y escritor social.
– Eduardo Vázquez Coto, comunicaor y xestor de proyeutos.
– José Almeida, hosteleru, presidente d’Otea y vicepresidente de Fade.
– Joaquín Fernández Sánchez, periodista especializáu en mediu rural.
– Eduardo Crespo de Nogueira, téunicu de Padremuñu Natural.
El comité dispondrá tamién del asesoramientu científicu-técnicu de les siguientes presones:
– Luis Benito García, doctoráu n’Hestoria y profesor universitariu.
– Xuan Fernandi Bas, hestoriaor.
– Cristina Cantero Fernández, etnohestoriaora.
– Jorge Uría González, doctoráu n’Hestoria.
– Xuan de Con Redondo, antropólogu y profesor universitariu.
