Pa los qu’entá nun lu conozan, el Festival Intercélticu d’An Oriant (Lorient en bretón) yel mayor festival folk y ún de los eventos internacionales con mayor representación asturiana del mundiu.
Ayeri díi 4 llegaba a la capital bretona la Delegación Asturiana de man del so presidente Iñaki Sanchez Santianes, con una carrapotá d’artistes, músicos, cantantes, grupos de baille, bandes de gaites y en resume una bayura de representantes culturales de lo que ye la nuesa cultura pa esta edición del festival na que somos protagonistes.
Pa los que ya lo conocen namás entrugase por qué nun tan equí si nun ye’l casu, y pa los que nun sepan de qué va, preparaivos. Qué ye Lorient? Lorient ye:
- 10 díis de conciertos, de charres, d’espectáculos, d’actuaciones, d’arte na cai y de folixa.
- 500 artistes del dámbetu de la música, el baille tradicional, cineastes.
- 8 naciones celtes representaes: Asturies, Galicia, Escocia, Irlanda, Gales, Cornualles, Islla de Man, Bretaña y les naciones de la diáspora: USA, Acadia, Australia.
- Un Gran Pasucáis qu’avera a más de 60.000 presones nes cais de Lorient el primer domingu del festival.
- 000 de públicu que vienen d’espeutaores de pagu.
- 000 visitantes y públicu en xeneral.
- 100 presones aloxaes, 20 cadenes d’hoteles, 7 escueles y residencies destudiantes, 800 cames, 34.000 xintes, 40 viaxes en ferry, 40 autobuses.
- Más de 1.700 voluntarios.
- 120 shows en vivo, el 60% de los cuales son de baldre.
- Homenax a una nación celta ca añu y actividades asgaya.
- Asoleyamientu de la cultura bretona con un fin de selmana bretón (campeonatu de bagadoù, gran pasucáis retresmitíu per televisión, dancies bretones, Festoù-noz, talleres de música, conferencies…)
- Conciertos too siguío nos escenarios y bares de la ciudá, clases maxistrales de baldre d’istrumentos celtes, pasucáis diarios, concursos de gaites, curdión, harpa celta, tambores, bandes de gaites, un xardín d’artes y luthiers, un espacio de Pallabres y Solidaridá…
- A Quai du Livre, un mercáu artesanal en consonancia col tema’l festival.
- Esportes: regates (CeltiCup), golf (Golfceltrophy), gouren, juegos atléticos bretones, esportes celtes, etc.
- Exposiciones d’obres d’arte de los países celtes, traxes tradicionales bretones y gaites de tol mundiu.
Si vos paez pocu, vení a esfrutalo en presona y que nun vos lo cunten.
