Un añu más, ye un asturianu el que se fai col premiu internacional de gaita Mac Crimmon, na categoría de gaita (a la escontra d’otres categoríes como Highland Pipe), nel que participen tolos años asturianos y gallegos principalmente.
LA SIDRA.- Y ye esta una situación especial puestu que’l ganaor d’esti añu nun ye nin más nin menos que’l ganaor del añu pasáu, colo que ye’l primer gaiteru que consigue ganar el premiu Mac Crimmon dos vegaes seguíes. Nesti concursu que ca añu tien llugar en Bretaña, esta 45 edición del Festival Intercélticu de Lorient participaren 4 gaiteros gallegos y 4 asturianos.
Ye de señalar que les marques de bébora, tantu llocales comu internacionales, sofiten estos eventos y concursos dientru d’el festival, siendo nesti casu una marca whiskey, o nel casu del Troféu de Música Celta que patrocina la sidra bretona Loic Raison..
