Sidra Trabanco presentó ayeri, el primer vermú blancu en rama, ellaboráu con sidre.
LA SIDRA.- Trátase d’un productu que, como apuntó Samuel Trabanco, xerente del llagar, “ñaz de l’alcordanza de cuando yera neñu y el tiu Xuacu tornaba pa casa dende Puerto Rico, trayendo siempres unpar de botelles de vermú. Al mio güelu, llagareru y aniciaor de Trabanco, nun-y prestaba muncho’l saborgu y decidió mecelu con sidre, consiguiendo una bébora única, que yera l’alma d’aquellos alcuentros familiares”.
Dempués de más de tres años de ttabayu, consiguieron, por fin, dar con aquel saborgu que despertó en Samuel les sos alcordances de mocedá. Baxo la denominación d’Alma, esti vermú blancu de sidre Trabanco xúnese a los estremaos productos que, dende hai años, dellos llagares foren sacando al mercáu, viendo la infinitú de posibilidaes qu’ufre la sidre, acullá de la natural.
