Mediu Rural convoca sovenciones per valor de 42.000 euros p’asesorar esplotaciones agraries sobro control de plagues
LA SIDRA.- La Conseyería de Mediu Rural y Cohesión Territorial convocó ayudes per valor de 42.000 euros p’asesorar a les esplotaciones agraries sobro’l control de plagues. Esta partida va dirixida a les Agrupaciones pa Tratamientos Integraos n’Agricultura (Atrias), costituyíes por piqueñes y medianes esplotaciones dedicaes a la produción primario de productos agrícoles, que van ser les encargaes d’emprestar el serviciu.
“Estes subvenciones permiten actuar sobro factores primordiales pal llogru d’alimentos de calidá por aciu la eliminación de plagues. Tamién a ameyorar les condiciones medioambientales y de trabayu nel mediu rural” siñalaron dende la conseyería. El máximu de l’ayuda a percibir per cada entidá qu’empreste servicios d’asesoramientu col que fin de que les esplotaciones apliquen programes de xestión integrada de plagues ye de 6.000 euros.
Anguaño, más de 80 esplotaciones disponen d’asesoramientu téunicu en producción de piqueños frutos, faba, mazana de sidre y uva.
